سندھ ہائی کورٹ کا محکمہ اوقاف کے ٹھیکوں میں بے ضابطگی کی درخواست جرمانے کے ساتھ مسترد

کراچی ( اباسین خبر)سندھ ہائی کورٹ نے محکمہ اوقاف کے ٹھیکوں میں مبینہ بے ضابطگیوں کے خلاف درخواست کو جرمانے کے ساتھ مسترد کر دیا۔ عدالت نے درخواست گزار پر 25 ہزار روپے کا جرمانہ عائد کرتے ہوئے کہا کہ یہ رقم ہائی کورٹ کلینک اکانٹ میں 1 ماہ کے اندر جمع کرائی جائے۔اگر درخواست گزار نے جرمانہ ادا نہ کیا تو اس کا شناختی کارڈ بلاک کرنے کا حکم دیا گیا۔ عدالت نے ریمارکس دیتے ہوئے کہا کہ درخواست گزار ٹھیکوں میں بے ضابطگی کی کوئی نشاندہی کرنے میں ناکام رہا اور دیگر کمپنیوں کو ناک آٹ کر کے 100 فیصد ٹھیکے حاصل کرنے کی کوشش کر رہا تھا۔عدالت نے یہ بھی کہا کہ درخواست گزار نے نظرِ ثانی اپیل کے فیصلے کا انتظار کیے بغیر کارروائی کی اور اس طرح کی غیر ضروری مقدمہ سازی سے عدالتوں کا وقت اور ٹیکس دہندگان کے پیسے کا نقصان ہو رہا ہے۔