اداکارہ ریما خان کے بارے میں بیٹی زویا ناصر نے میرا ساتھ دینے کی بجائے ریما خان کی حمایت: ناصر ادیب

کراچی ( شوبزڈیسک)لالی ووڈ کے معروف رائٹر ناصر ادیب نے انکشاف کیا ہے کہ ان کے دیے گئے ایک بیان پر اداکارہ ریما خان کے بارے میں بیٹی زویا ناصر نے ان کا ساتھ دینے کی بجائے ریما خان کی حمایت کی۔ناصر ادیب اور زویا ناصر نے حال ہی میں نجی ٹی وی چینل کی رمضان ٹرانسمیشن میں شرکت کی۔ اس دوران میزبان ندا یاسر نے زویا ناصر سے سوال کیا کہ جب آپ کے والد نے ایک پوڈکاسٹ میں متنازع بیان دیا، تو کیا آپ نے ان سے اس بارے میں بات کی؟ جس پر زویا ناصر نے جواب دیا کہ ویڈیو وائرل ہونے کے بعد انہوں نے اپنے والد کو سمجھایا تھا۔ناصر ادیب نے اس موقع پر کہا کہ “بیٹیاں جب رشتہ تلاش کرنے نکلتی ہیں تو لڑکے میں سب سے اہم دو باتیں دیکھنی چاہیے: پہلی یہ کہ لڑکا خواتین کا احترام کرتا ہو اور عورت ذات کے لیے دل میں احساس رکھتا ہو۔”یہ گفتگو ایک رمضان ٹرانسمیشن کے دوران ہوئی، جس میں دونوں نے اپنے خیالات کا کھل کر اظہار کیا۔