سرکاری اسکول کی لڑکیوں کی غیر اخلاقی ویڈیوز بنا کر بلیک میل کرنے والا ٹیچر آخر کارپو لیس کے ہتھے چڑ ہی گیا

پشاور( اباسین خبر) مانسہرہ کے علاقے لساں نواب میں چند روز قبل سرکاری اسکول میں زیرِ تعلیم لڑکی کی نازیبا ویڈیو سامنے آئی تھی جس کے بعد متاثرہ لڑکی کے گھر والوں نے پولیس میں رپورٹ لکھوائی تھی۔ پو لیس نے کاروائی کر تے ہوئے مانسہرہ میں سرکاری اسکول کی لڑکیوں کی غیر اخلاقی ویڈیوز بنا کر بلیک میل کرنے والے ٹیچر کو گرفتار کر لیا۔پولیس نے ملزم کو گرفتار کر کے موبائل فون برآمد کر لیا۔ڈی پی او شفیع اللہ گنڈاپور نے ملزم سے تفتیش کے لیے اعلی سطح کی کمیٹی قائم کر دی ہے۔ایف آئی آر کے مطابق ملزم نے اور بھی کئی لڑکیوں کی نازیبا ویڈیو بنا کر انہیں بلیک میل کیا اور وائرل کرنے کی دھمکی بھی دی۔