پاکستانی مستقل مندوب کا بڑا اعلان، بھارت اور افغانستان کے خلاف اقوام متحدہ میں قرارداد لائیں گے

اسلام آباد( اباسین خبر) پاکستان نے بھارت اور افغانستان کے خلاف اقوام متحدہ میں قرارداد پیش کرنے کا فیصلہ کیا ہے۔ پاکستان کے مستقل مندوب منیر اکرم نے نجی ٹی کے پروگرام میں بات کرتے ہوئے کہا کہ افغان سرزمین سے دہشت گردی کی ایکسپورٹ پر بھارت کے خلاف اقوام متحدہ میں قرارداد لائیں گے۔منیر اکرم نے مزید کہا کہ پاکستان کا اگلا قدم بھارت کی دہشت گردی میں معاونت کو بے نقاب کرنا ہوگا۔ انہوں نے واضح کیا کہ اقوام متحدہ میں بھارت کے خلاف کارروائی تیز کر دی جائے گی، تاہم بھارت پر پابندیاں لگانے میں اس کے دوست رکاوٹ بن جاتے ہیں۔