جعفر ایکسپریس حملے پر بھارتی میڈیا کا جھوٹا پراپیگنڈہ: بی ایل اے اور را کا کردار بے نقاب

اسلام آباد( اباسین خبر)جعفر ایکسپریس پر حملے کے بعد بھارتی میڈیا جھوٹے اور بے بنیاد پراپیگنڈے میں مصروف رہا۔ بغیر تصدیق کے معلومات پھیلانا بھارتی میڈیا کا پرانا طریقہ کار بن چکا ہے، جس کے تحت مسلسل من گھڑت کہانیاں اور جھوٹے دعوے کیے جا رہے ہیں۔بھارتی سوشل میڈیا ایکٹوسٹس را اور عالمی کالعدم تنظیم بی ایل اے کے پیغامات پھیلا رہے ہیں، جبکہ جعفر ایکسپریس حملے کی خبر سب سے پہلے بی ایل اے کے اکانٹ سے بریک ہوئی، جسے بھارتی اکانٹس نے مزید پھیلایا۔ بھارتی چینل اے آئی کے ذریعے بنائی گئی ویڈیوز، تصاویر اور پرانی ویڈیوز کا استعمال کرکے پاکستان کے خلاف پراپیگنڈا کیا جا رہا ہے۔دفاعی ماہرین کے مطابق، پاکستان مخالف طاغوتی قوتیں اپنے ہی ملک کی منفی تصویر کشی کر رہی ہیں تاکہ عالمی سطح پر پاکستان کی ساکھ کو نقصان پہنچایا جا سکے۔