پشاور( اباسین خبر)وزیرِ اعلی خیبر پختونخوا علی امین گنڈاپور کی زیرِ صدارت صوبائی کابینہ کا اجلاس منعقد ہوا جس میں اہم فیصلے کیے گئے۔کابینہ نے جوڈیشل آفیسرز ویلفیئر فنڈ کے قیام کے لیے ڈرافٹ بل کی منظوری دی اور ریگی ماڈل ٹان میں جوڈیشل اکیڈمی کے لیے درکار اراضی کے فنڈ کی بھی منظوری دی۔اس کے علاوہ، کے پی محتسب سیکریٹریٹ میں پوسٹوں کی تخلیق کے لیے پابندی میں نرمی کی گئی اور ایبٹ آباد پبلک اسکول میں آڈیٹوریم بنانے کے لیے فنڈ بھی منظور کیا گیا۔کابینہ نے طالب علموں کے اسٹارٹ اپ ایوارڈ کے لیے مالی امداد کی منظوری دی اور اسٹیٹ چلڈرن انسٹی ٹیوٹ کے وسعت کے لیے جاری پراجیکٹ کے فنڈ کی بھی منظوری دے دی۔مزید برآں، کے پی ٹریڈ ٹیسٹنگ بورڈ ڈرافٹ بل 2025 کی منظوری اور نیشنل گیمز میں خیبر پختون خوا کے کھلاڑیوں کے لیے فنڈ فراہم کرنے کی بھی منظوری دی گئی۔کابینہ نے سی ای او فیکلٹی آف پیرامیڈیکس اینڈ الائیڈ ہیلتھ سائنسز کی تعیناتی کی بھی منظوری دی۔
خیبر پختونخوا کو مثال صو بہ بنا ئیں گے، صوبائی کابینہ کے اہم فیصلے
4
