4
پشاور ( اباسین خبر)پشاور کے اضاخیل نوشہرہ کے گودام سے 1700 میٹرک ٹن گندم کے تھیلے غائب ہونے کا انکشاف ہوا ہے، جس سے محکمہ اینٹی کرپشن نے فوری طور پر انکوائری شروع کر دی ہے۔انکوائری میں متعلقہ حکام کے بیانات ریکارڈ کر لیے گئے ہیں اور خوردبرد سے خزانے کو 19 کروڑ 77 لاکھ روپے کا نقصان پہنچنے کا پتہ چلا ہے۔محکمہ اینٹی کرپشن نے اسٹوریج اینڈ انفورسمنٹ افسر ارشد خان، عثمان عابد، اور خالد کو اس خوردبرد کا ذمہ دار قرار دیا ہے۔ فوڈ انسپکٹر عاطف خان اور قاضی جنید باچا کو بھی ذمے داری کا سامنا ہے۔تھانہ اینٹی کرپشن نوشہرہ میں ایف آئی آر درج کر کے 2 ملزمان کو گرفتار کر لیا گیا ہے، اور محکمہ اینٹی کرپشن نے ان ملزمان کا عدالت سے ریمانڈ حاصل کر لیا ہے۔ دیگر ملزمان کی گرفتاری کے لیے کوششیں جاری ہیں۔
