پاکستان کی یو اے ای کیلئے برآمدات میں 28 فیصد اضافہ، 1.2 ارب ڈالرز تک پہنچ گئیں

دبئی( کامرس ڈیسک)پاکستان کی متحدہ عرب امارات کیلئے رواں مالی سال کی برآمدات میں 28 فیصد کا اضافہ ہوا ہے۔دبئی میں پاکستانی کمرشل اور ٹریڈ قونصلر علی زیب نے پاکستان قونصل خانہ اور پاکستان بزنس کونسل کی سحور محفل سے خطاب کرتے ہوئے بتایا کہ جولائی 2024 سے فروری 2025 تک پاکستان کی برآمدات 1.2 ارب ڈالرز تک پہنچ گئی ہیں، جو گزشتہ سال کے مقابلے میں 28 فیصد زیادہ ہیں۔پاکستان بزنس قونصل دبئی کے چیئرمین شبیر مرچنٹ نے مزید کہا کہ دبئی سے غیر ملکی سرمایہ کاروں کا ایک وفد لاہور کے میگا ٹریڈ شو میں شرکت کرے گا۔ لاہور میں 17 سے 19 اپریل 2025 تک ہیلتھ، انجینئرنگ اور اینڈ منرلز شو (ایچ ای ایم 2025) کا چوتھا ایڈیشن منعقد ہوگا۔