5
اسلام آباد( اباسین خبر)بلوچستان اسمبلی کی نشست پی بی 45 کی ری پولنگ میں مبینہ دھاندلی کے معاملے پر الیکشن کمیشن نے اپنا محفوظ شدہ فیصلہ سناتے ہوئے پیپلز پارٹی کے علی مدد جتک کی رکنیت بحال کرنے کا حکم دیا ہے۔ الیکشن کمیشن نے جے یو آئی( ف )کے امیدوار میر محمد عثمان پیرکانی کی درخواست کو مسترد کر دیا۔پی بی 45 سے علی مدد جتک کامیاب قرار پائے تھے، جبکہ ان کے خلاف نصر اللہ بڑیچ کی درخواست بھی مسترد کر دی گئی۔ الیکشن کمیشن نے دونوں درخواست گزاروں کو الیکشن ٹربیونل سے رجوع کرنے کی ہدایت کی ہے۔
