ایڈووکیٹ جنرل پنجاب امجد پرویز نے عہدے کا چارج سنبھال لیا

لاہور(اباسین خبر)ایڈووکیٹ جنرل پنجاب امجد پرویز نے عہدے کا چارج سنبھال لیا۔آفس پہنچنے پر لا افسران اور ملازمین نے ایڈووکیٹ جنرل پنجاب امجد پرویز کو پھول پیش کیے۔ اس موقع پر نئے ایڈووکیٹ جنرل پنجاب امجد پرویز نے خصوصی گفتگو کرتے ہوئے کہا کہ پنجاب حکومت کے اعتماد کرنے پر مشکور ہوں اور ادارے کی بہتری کے لیے اقدامات کروں گا۔ انہوں نے مزید کہا کہ عدالتوں کی آئین اور قانون کے مطابق معاونت فراہم کریں گے۔امجد پرویز کا کہنا تھا کہ سابق ایڈووکیٹ جنرل خالد اسحاق ایک پروفیشنل وکیل تھے، اور وہ خود بھی سب کو پروفیشنل وکیل کے طور پر جانتے ہیں۔یاد رہے کہ گزشتہ روز پنجاب حکومت نے امجد پرویز کی بطور ایڈووکیٹ جنرل پنجاب تقرری کا نوٹیفکیشن جاری کیا تھا۔ امجد پرویز فوجداری، نیب اور آئینی مقدمات کے ماہر سمجھے جاتے ہیں۔ ایڈووکیٹ جنرل پنجاب خالد اسحاق کے لاہور ہائیکورٹ کا جج بننے کے بعد ایڈووکیٹ جنرل پنجاب کی سیٹ خالی ہوئی تھی۔