اسلام آباد( کامرس ڈیسک)زراعت کے شعبے میں ترقی اور خوشحالی لانے کے لیے “سبز پاکستان اقدام” کی کاوشیں جاری ہیں۔ گرین پاکستان انیشی ایٹو (جی پی آئی) کے تحت جدید مشینری کا استعمال یقینی بناتے ہوئے پائیدار زرعی نظام کے قیام کی کوششیں کی جا رہی ہیں۔روایتی زراعت سے کارپوریٹ طرز کی زراعت کی جانب تبدیلی کو زرعی شعبے کے لیے ایک اہم قدم قرار دیا جا رہا ہے۔ “جی پی آئی” زراعت کے شعبے کو مستحکم کرنے کے ساتھ ساتھ ماحولیاتی تحفظ کے لیے بھی کام کر رہا ہے۔ اس اقدام کا مقصد ماحول دوست طریقوں کو متعارف کروا کر زرعی شعبے میں پائیدار ترقی کو یقینی بنانا ہے۔چولستان کی بنجر زمین کو قابلِ کاشت بنا کر اور جدید آبپاشی نظام کے ذریعے زرعی شعبے کو مستحکم کرنے کے لیے عملی اقدامات اٹھائے جا رہے ہیں۔پنجاب میں 25 گرین ایگری مال اور سمارٹ ایگری فارم کا قیام زرعی ترقی کی سمت میں ایک اہم قدم ہے۔ پیرووال اور مظفرگڑھ میں تیار کیے گئے ماڈل فارمز کسانوں کو جدید زرعی تکنیکوں سے آگاہی فراہم کرنے میں اہم کردار ادا کریں گے۔
سبز پاکستان اقدام، پائیدار زرعی نظام کی تشکیل کیلیے اہم اقدام
3
