بالائی علاقوں میں برف کا طوفان، بلوچستان، کے پی، کشمیر کے پہاڑوں پر برف ہی برف

لاہور( اباسین خبر)بالائی علاقوں میں برفباری کا طوفان، بلوچستان، خیبرپختونخوا اور کشمیر کے پہاڑوں پر برف کی تہہ جمنے لگی۔مستونگ، کوئٹہ، زیارت، کوژک ٹاپ، خانو زئی اور کان مہتر زئی برف سے ڈھک گئے، جبکہ وادی نیلم میں شدید برفباری ہوئی۔ گریس ویلی کی مین شاہراہ سمیت کئی رابطہ سڑکیں بند کر دی گئیں۔ استور کے بالائی علاقوں میں کئی انچ برف پڑ چکی ہے۔کالام اور مالم جبہ میں برفباری کا نیا سلسلہ شروع ہوگیا، اور بالائی علاقوں میں شدید سردی کی لہر نے درجہ حرارت منفی سطح تک پہنچا دیا۔ لہہ میں درجہ حرارت منفی 9، گوپس میں منفی 6، سکردو اور مالم جبہ میں منفی 4 جبکہ استور، ہنزہ اور پاراچنار میں منفی 3 ریکارڈ کیا گیا۔