پی ایس ایکس: کاروبار کا منفی دن، 100 انڈیکس میں 658 پوائنٹس کی کمی

کراچی ( کامرس ڈیسک)پاکستان اسٹاک ایکسچینج (پی ایس ایکس) میں آج کاروبار کا منفی دن رہا، جہاں 100 انڈیکس میں 658 پوائنٹس کی بڑی کمی ہوئی۔ پی ایس ایکس بینچ مارک 100 انڈیکس کاروبار کے اختتام پر اس کمی کے بعد 113,836 پوائنٹس پر بند ہوا۔حصص بازار میں آج 46 کروڑ 90 لاکھ شیئرز کے سودے 24 ارب 90 کروڑ روپے میں طے ہوئے۔ دوسری جانب مارکیٹ کیپٹلائزیشن 108 ارب روپے کم ہو کر 14 ہزار 88 ارب روپے کی سطح پر آگئی۔اس منفی دن کے باوجود، کاروبار کی مجموعی حجم اور حصص کی خرید و فروخت میں کچھ کمی اور مارکیٹ کیپٹلائزیشن میں تخفیف نظر آئی، جس نے سرمایہ کاروں کی تشویش بڑھا دی۔