7
لاہور(سپورٹس ڈیسک)آئی سی سی چیمپئنز ٹرافی کی ٹرافی ایک بار پھر پاکستان آ رہی ہے، اور اس بار یہ فائنل تک پاکستان میں ہی رہے گی۔ ورلڈ ٹرافی ٹور کے پہلے مرحلے میں ٹرافی لاہور نہیں لائی گئی تھی، تاہم نومبر میں پاکستان کے ٹرافی ٹور میں اسلام آباد، مری، ایبٹ آباد، نتھیا گلی، ٹیکسلا اور کراچی میں نمائش کی گئی تھی۔اس بار ٹرافی کو لاہور اور پنجاب کے دیگر مقامات پر بھی لے جایا جائے گا۔ پی سی بی اور آئی سی سی حکام جلد اس حوالے سے تمام معاملات کو فائنل کریں گے۔ آئی سی سی چیمپئنز ٹرافی کا پہلا میچ 19 فروری کو ہوگا، جبکہ فائنل مارچ میں طے ہے۔
