2
پشاور( اباسین خبر)امدادی اشیا پر مشتمل 25 گاڑیوں کا قافلہ پاراچنار پہنچ گیا، جو کہ گزشتہ روز ٹل سے روانہ ہوا تھا۔ اس قافلے میں آٹا، چینی، چکن، روزمرہ استعمال کی سبزیاں اور دیگر امدادی اشیا شامل ہیں۔سرکاری ذرائع کے مطابق امدادی قافلے کے لیے سکیورٹی کے سخت ترین انتظامات کیے گئے تھے اور اس کی فضائی نگرانی بھی کی گئی۔ گزشتہ روز 20 ٹرکوں کو واپس کر دیا گیا تھا۔دوسری جانب، ذرائع کا کہنا ہے کہ بنکر کی مسماری کے لیے آپریشن آج شروع ہونے کا امکان ہے، جس کے دوران یہ عمل انتظامیہ، پولیس اور سکیورٹی فورسز کی نگرانی میں کیا جائے گا۔
