ملک کے مختلف شہروں میں دھند کے ڈیرے، موٹر ویز بند

لاہور( اباسین خبر) مختلف شہروں میں دھند کے باعث موٹر ویز بند، ٹریفک کی روانی متاثرملک کے مختلف شہروں میں شدید دھند کا سلسلہ جاری رہا، جس کے باعث کئی موٹر ویز بند کر دی گئیں اور قومی شاہراہوں پر حد نگاہ انتہائی کم رہی۔موٹروے ایم 2 لاہور سے کوٹ مومن تک، ایم 3 فیض پور سے درخانہ تک اور ایم 4 کو بھی بند کر دیا گیا ہے۔ ترجمان موٹر ویز کے مطابق یہ اقدام عوام کی حفاظت کو یقینی بنانے کے لیے اٹھایا گیا۔دھند کی شدت کے باعث جھنگ، صفدرآباد، گوجرہ اور گگو منڈی میں ٹریفک کی روانی شدید متاثر ہوئی، جس سے گاڑیوں کی لمبی قطاریں لگ گئیں۔ترجمان نے شہریوں کو مشورہ دیا ہے کہ وہ دن کے اوقات میں سفر کرنے کو ترجیح دیں تاکہ کسی بھی ممکنہ حادثے سے بچا جا سکے۔