رجب بٹ نے درِفشاں سلیم سے شادی کی افواہوں پر خاموشی توڑ دی

لاہور( شوبز ڈیسک) معروف یوٹیوبر اور سماجی ذرائع ابلاغ کی نمایاں شخصیت رجب بٹ نے اداکارہ درِفشاں سلیم سے منسوب شادی کی خبروں کو سراسر بے بنیاد قرار دیتے ہوئے کہا ہے کہ ان کا اداکارہ کے ساتھ کسی بھی نوعیت کا ذاتی تعلق نہیں۔گزشتہ چند روز سے سماجی ذرائع ابلاغ پر رجب بٹ اور درِفشاں سلیم کی مبینہ شادی سے متعلق مختلف دعوے گردش کر رہے تھے، تاہم ان خبروں کی کسی مستند ذریعے سے تصدیق نہیں ہو سکی۔ اس سے قبل اداکارہ کی انداز سازی کی ماہر بھی ان افواہوں کی واضح تردید کر چکی تھیں۔یوٹیوبر اور ٹک ٹاکر تہمینہ شیخ کو دیے گئے ایک انٹرویو میں رجب بٹ نے کہا کہ درِفشاں سلیم ان سے عمر اور پیشہ ورانہ حیثیت میں سینئر ہیں، اپنی فنی دنیا میں باوقار مقام رکھتی ہیں اور ان کے درمیان کسی قسم کا ذاتی تعلق موجود نہیں۔انہوں نے بتایا کہ انہیں بھی اس افواہ کا علم سماجی ذرائع ابلاغ کے ذریعے ہی ہوا، جب مسلسل صارفین اس بارے میں سوالات کرنے لگے۔ ان کا کہنا تھا کہ بغیر تصدیق کے خبریں پھیلانا غیر ذمہ دارانہ اور افسوسناک عمل ہے۔رجب بٹ نے مزید کہا کہ انہوں نے فوری طور پر وضاحت اس لیے جاری کی تاکہ درِفشاں سلیم کو کسی قسم کی غیر ضروری پریشانی یا بدنامی کا سامنا نہ کرنا پڑے، کیونکہ یہ خبر حقیقت سے بالکل عاری تھی۔