غیر ملکی وفود سے ملاقات کیلئے ایف آئی اے افسران پر اجازت لینا لازمی قرار

اسلام آباد (مانیٹر نگ ڈیسک)وفاقی تحقیقاتی ادارے (ایف آئی اے) کے افسران کو غیر ملکی وفود کے ساتھ ملاقات کے لیے وزارت خارجہ سے اجازت لینا لازم قرار کر دیا گیا۔میڈیا رپورٹ کے مطابق کسی بھی غیر ملکی سے ملاقات کے لیے ایڈیشنل ڈائریکٹر جنرل سے اجازت لینا لازم قرار کیا گیا ہے، ڈائریکٹر جنرل (ڈی جی) ایف آئی اے کی منظوری کے بعد تمام ڈائریکٹرز کو اس حوالے سے آگاہ کر دیا گیا ہے۔اس کے علاوہ غیر ملکی وفد سے ملنے پہلے ایڈیشنل ڈائریکٹر کو غیر ملکی وفد کی مکمل تفصیل فراہم کرنا ہوں گی، غیر ملکی وفد اور دورے کا تفصیلی ایجنڈا ایڈیشنل ڈائریکٹر کو فراہم کیا جائے گا۔مزید برآں غیر ملکی وفد کی آمد سے ایک دن قبل یہ تفصیلات ایڈیشنل ڈائریکٹر کو فراہم کی جائیں گی اور تمام غیر ملکی وفد ملاقات کے لیے وزارت خارجہ سے اجازت لیں گے۔