پی ڈی ایم اے کا ہیٹ ویو سے متعلق الرٹ، شہریوں کو احتیاطی تدابیر اختیار کرنے کی ہدایت

لاہور( اباسین خبر) پنجاب ڈیزاسٹر مینجمنٹ اتھارٹی (پی ڈی ایم اے) نے ہیٹ ویو کے حوالے سے الرٹ جاری کر دیا ہے۔ ڈی جی پی ڈی ایم اے کے مطابق، رواں ماہ درجہ حرارت میں 4 سے 7 ڈگری تک اضافے کا امکان ہے، جس کے دوران میدانی علاقے اور جنوبی پنجاب کے اضلاع شدید گرمی کی لپیٹ میں آ سکتے ہیں۔ڈی جی پی ڈی ایم اے نے محکمہ اسکول ایجوکیشن کو بچوں کی آٹ ڈور سرگرمیوں پر پابندی عائد کرنے کی ہدایت دیتے ہوئے کہا کہ شہری غیر ضروری سفر سے گریز کریں، سر ڈھانپ کر رکھیں اور پانی کا استعمال بڑھا دیں۔انہوں نے مزید کہا کہ ہیٹ ویو سے متاثرہ افراد کے لیے طبی امداد کی فراہمی کے لیے ادویات کی دستیابی کو یقینی بنایا جائے۔