مسلح ملزمان کی میڈیکل اسٹور لوٹنے کی کوشش ، مذاحمت پر فائرنگ سےمالک جان بحق

کراچی ( اباسین خبر) موٹر سائیکل سوار دو مسلح ملزمان نے میڈیکل اسٹور لوٹنے کی کوشش کی، جس پر اسٹور کے مالک صہیب نے مزاحمت کی۔ مزاحمت پر ملزمان نے بے دردی سے فائرنگ کردی، جس سے صہیب کو کندھے پر گولی لگی، جو جان لیوا ثابت ہوئی۔ ایس ایس پی کورنگی طارق نواز کے مطابق مقتول صہیب اپنے والدین کا اکلوتا بیٹا تھا اور میڈیکل اسٹور کا مالک تھا۔انہوں نے بتایا کہ واقعے کی تفتیش جاری ہے اور ملزمان کو جلد گرفتار کرنے کے لیے ایک اسپیشل ٹیم تشکیل دی گئی ہے۔ انہوں نے مزید کہا کہ ڈکیتی کی وارداتوں کی لہر کو روکنے کے لیے فوری اقدامات کیے جا رہے ہیں۔