ایف آئی اے کی کارروائی، انسانی اسمگلنگ اور ویزا فراڈ میں ملوث 3 ملزمان گرفتار

پشاور( اباسین خبر)فیڈرل انویسٹگیشن ایجنسی (ایف آئی اے) نے انسانی اسمگلنگ اور ویزا فراڈ میں ملوث 3 ملزمان کو گرفتار کر لیا۔ایف آئی اے ہیومن ٹریفکنگ سرکل پشاور نے اسلام آباد میں چھاپہ مار کارروائی کے دوران خلیل اللہ اور مرجان علی کو گرفتار کیا۔ دونوں ملزمان 2024 میں درج کیے گئے مقدمات میں مطلوب تھے اور شہریوں کو امریکی ورک ویزا فراہم کرنے کا جھانسہ دے کر لاکھوں روپے ہڑپ کر رہے تھے۔پشاور میں ایک ٹریول ایجنسی کے دفتر پر بھی چھاپہ مارا گیا، جہاں ملزم حارث خان خلیل کو گرفتار کیا گیا۔ ملزم کے پاس لائسنس نہیں تھا اور اس کے قبضے سے 4 پاکستانی پاسپورٹ برآمد ہوئے۔