پاکستان میں بیرونی سرمایہ کاری میں کمی اور اضافہ کے اعدادوشمار سامنے آ گئے

کراچی ( کامرس ڈیسک)پاکستان میں بیرونی سرمایہ کاری میں کتنی آئی اور کتنی گئی؟ سٹیٹ بینک نے اعدادوشمار جاری کر دیے۔سٹیٹ بینک کے مطابق ملک میں مجموعی غیر ملکی سرمایہ کاری میں نمایاں کمی دیکھنے کو ملی، جس میں ایک سال کے دوران 68 فیصد اور ایک ماہ کے دوران 39 فیصد کی گراوٹ آئی۔ تاہم، رواں مالی سال کے 8 ماہ میں مجموعی براہ راست بیرونی سرمایہ کاری میں اضافہ ہوا، جس کے بعد بیرونی سرمایہ کاری کا حجم 1 ارب 25 کروڑ ڈالر سے بڑھ کر 1 ارب 40 کروڑ ڈالر تک پہنچ گیا۔رواں مالی سال میں خالص بیرونی سرمایہ کاری میں بھی اضافہ ریکارڈ کیا گیا، جس کا حجم 1 ارب 14 کروڑ ڈالر سے بڑھ کر 1 ارب 61 کروڑ ڈالر ہوگیا۔