نیتن یاہو فلسطینیوں کی نسل کشی کی پالیسی ختم کرے،مختلف ممالک کی غزہ پر اسرائیلی جارحیت کی شدید مذمت

غزہ( مانیٹرنگ ڈیسک)چین، روس، سعودی عرب، ترکیہ اور نیدرلینڈز نے غزہ پر اسرائیلی جارحیت کی سخت مذمت کی اور جنگ بندی کی اپیل کی۔ عالمی رہنمائوں نے بلا روک ٹوک انسانی امداد کی بحالی اور یرغمالیوں کی غیر مشروط رہائی کا مطالبہ کیا۔چینی وزارت خارجہ کے ترجمان نے کہا کہ بیجنگ فلسطین اور اسرائیل کی موجودہ صورتحال پر گہری تشویش کا شکار ہے اور حماس و اسرائیل سے فوری جنگ بندی معاہدہ کرنے کی درخواست کی ہے۔ ترک صدر اردگان نے اسرائیلی حملوں کو ناقابل قبول قرار دیتے ہوئے نیتن یاہو سے نسل کشی کی پالیسی کو ختم کرنے کی اپیل کی۔ نیدرلینڈز نے بھی تمام دشمنیوں کے خاتمے پر زور دیا۔