2
اسلام آباد( اباسین خبر) 23 مارچ کو یوم پاکستان کی مناسبت سے ایوان صدر میں ایک خصوصی تقریب منعقد کی جائے گی۔ صدر مملکت آصف علی زرداری اس تقریب کے مہمان خصوصی ہوں گے، جس میں وزیر اعظم اور تمام سروسز چیفس بھی شرکت کریں گے۔تقریب کے دوران صدر مملکت قومی پرچم لہرائیں گے اور پاک آرمی کے دستے کی جانب سے انہیں سلامی پیش کی جائے گی۔ پاک فضائیہ کا دستہ بھی ایوان صدر کے اوپر فلائی پاسٹ کرے گا۔اس موقع پر غیر ملکی سفیروں اور دیگر اہم شخصیات کو بھی مدعو کیا جائے گا۔
