2
پشاور( اباسین خبر)خیبرپختونخوا میں جوڈیشل افسران کے لیے ویلفیئر فنڈز کے قیام کا فیصلہ کیا گیا ہے۔ وزیر قانون اور محکمہ خزانہ کے اراکین پر مشتمل کمیٹی نے فنڈز کے قیام کی منظوری دے دی ہے۔دستاویز کے مطابق ویلفیئر فنڈز صحت، حادثات، قدرتی آفات اور دیگر معاملات میں مالی معاونت فراہم کرے گا۔ اس فنڈ کو “خیبرپختونخوا جوڈیشل آفیسرز ویلفیئر فنڈز بل 2025” کا نام دیا گیا ہے، اور ہر جوڈیشل افسر کو ماہانہ بنیادوں پر پیسے جمع کرنا ہوں گے۔دستاویز میں یہ بھی کہا گیا کہ مجوزہ بل کے تحت فنڈ مینجمنٹ سمیت دیگر معاملات کو طے کیا جائے گا اور فنڈز کے قیام کو قانونی شکل دینے کے لیے کابینہ سے منظوری بھی لی جائے گی۔
