اب میں پردہ کر تی ہوئی سو شل میڈیا پر میری پرانی تصاویر استعمال نہ کی جا ئیں،زرنش خان

کراچی ( شو بزڈیسک)پاکستان شوبز انڈسٹری کی سابقہ اداکارہ زرنش خان نے سوشل میڈیا پلیٹ فارمز سے درخواست کی ہے کہ ان کی پرانی تصاویر استعمال نہ کی جائیں۔ اپنی انسٹا اسٹوری پر زرنش خان نے لکھا کہ وہ اب پردہ کرتی ہیں اور اس لیے صرف یہ درخواست کر سکتی ہیں کہ ان کی پرانی تصاویر اور ویڈیوز کو استعمال نہ کیا جائے۔انہوں نے مزید کہا کہ جو بھی لکھنا ہے، وہ لکھ سکتے ہیں لیکن براہ کرم ان کی پرانی تصاویر اور ویڈیوز استعمال نہ کی جائیں۔ آخر میں، اداکارہ نے اپنے مداحوں کے لیے نیک خواہشات کا اظہار کرتے ہوئے کہا کہ یہ مہینہ سب کے لیے مبارک ثابت ہو۔یاد رہے کہ زرنش خان نے 2023 میں عمرے کی سعادت حاصل کرنے کے بعد شوبز انڈسٹری کو خیر باد کہہ دیا تھا اور اسلامی تعلیمات کے مطابق زندگی گزارنے کا فیصلہ کیا تھا۔ انہوں نے فورا بعد اپنے سوشل میڈیا اکاونٹس سے تمام پرانی تصاویر اور ویڈیوز ڈیلیٹ کر دی تھیں۔