ویرات کوہلی چیمپئنز ٹرافی کے فائنل سے قبل انجری کا شکار

دبئی( سپورٹس ڈیسک) بھارت کے سٹار بیٹر ویرات کوہلی نیوزی لینڈ کے خلاف آئی سی سی چیمپئنز ٹرافی کے فائنل سے قبل انجری کا شکار ہوگئے۔آئی سی سی چیمپئنز ٹرافی کا فائنل اتوار کو بھارت اور نیوزی لینڈ کے درمیان دبئی میں کھیلا جائے گا۔کوہلی فائنل سے قبل انٹرنیشنل کرکٹ کونسل اکیڈمی میں نیٹ پریکٹس کے دوران معمولی چوٹ کا شکار ہوئے۔رپورٹ کے مطابق، کوہلی نیٹس میں فاسٹ بالنگ کا سامنا کر رہے تھے، اس دوران ایک تیز گیند ان کے گھٹنے پر جا لگی جس کے بعد انہوں نے فوری طور پر پریکٹس روک دی۔بھارتی ٹیم کے فزیو سٹاف نے فورا کوہلی کا معائنہ کیا، انہیں سپرے لگایا اور متاثرہ جگہ پر بینڈیج باندھ دی۔چوٹ کے باوجود، کوہلی گرانڈ میں موجود رہے اور بقیہ ٹریننگ سیشن کو دیکھتے رہے جبکہ انہوں نے ساتھی کھلاڑیوں اور کوچنگ سٹاف کو اپنی فٹنس کے بارے میں بتایا۔بعد ازاں بھارتی کوچنگ سٹاف نے واضح کیا کہ کوہلی کی چوٹ سنگین نہیں ہے اور وہ فائنل میں کھیلنے کے لیے مکمل طور پر فٹ ہوں گے۔