4
نیویارک( مانیٹرنگ ڈیسک)پاکستان نے اقوام متحدہ کی سلامتی کونسل میں یمن کے لئے مذاکرات کی تجویز اور فوری انسانی امداد کی فراہمی پر زور دیا۔پاکستان کے مستقل مندوب منیر اکرم نے کہا کہ یمن کی بگڑتی ہوئی صورتحال پر پاکستان کو شدید تشویش ہے، جس سے سنگین انسانی، سیاسی، اقتصادی اور ماحولیاتی بحران پیدا ہو رہا ہے۔انہوں نے بتایا کہ یمن میں ایک کروڑ سے زائد افراد غذائی عدم تحفظ کا شکار ہیں، جبکہ 1.95 کروڑ افراد کو فوری انسانی امداد کی ضرورت ہے۔منیر اکرم نے فریقین سے امن معاہدوں پر مکمل عمل درآمد کی درخواست کرتے ہوئے کہا کہ غزہ میں جنگ بندی معاہدے کا نفاذ اور تحفظ خطے میں استحکام کو یقینی بنائے گا۔
