چیمپئنز ٹرافی کے کامیاب انعقاد پر بھارتی میڈیا بوکھلا گیا، ہرزہ سرائی جاری

لاہور( سپورٹس ڈیسک)پاکستان میں چیمپئنز ٹرافی کے کامیابی سے انعقاد پر بھارتی میڈیا بوکھلا گیا، اور اس نے چیمپئنز ٹرافی کے خلاف ہرزہ سرائی جاری رکھی۔بھارتی میڈیا نے ابتدا میں چیمپئنز ٹرافی کی افتتاحی تقریب کو “ڈر کے ماحول” کا نام دیا اور پھر سٹیڈیم میں تماشائیوں کی کمی کا راگ الاپتے ہوئے، چیمپئنز ٹرافی کے دوران دہشت گردی کا شوشہ بھی چھوڑا۔ بھارتی میڈیا نے دعوی کیا کہ غیرملکی شائقین کرکٹ کو تاوان کے لیے اغوا کیا جا سکتا ہے۔اس کے علاوہ، بھارتی میڈیا نے نیوزی لینڈ کے کھلاڑی راچن رویندرا کا فون چوری ہونے کی افواہ بھی پھیلائی۔ تاہم، سپورٹس تجزیہ کار فیضان لاکھانی نے بھارتی میڈیا کے بیانات کو پراپیگنڈا قرار دیا، اور نیوزی لینڈ کی ٹیم مینجمنٹ نے بھی انڈین میڈیا کے پراپیگنڈا کو جھوٹا قرار دیا۔بھارتی میڈیا کی جانب سے تھریٹ الرٹ کا جھوٹا واویلا کیا گیا، حالانکہ پاکستان کے کسی ادارے نے چیمپئنز ٹرافی کے دوران کوئی الرٹ جاری نہیں کیا تھا۔