کوئٹہ ( اباسین خبر)وزیر اعلی بلوچستان میر سرفراز بگٹی نے تحصیل شاہرگ میں مزدوروں کی گاڑی کے قریب دھماکے کی شدید مذمت کرتے ہوئے کہا کہ دھماکے میں 9 قیمتی جانوں کے ضیاع پر گہرے رنج و افسوس کا اظہار کرتے ہیں۔ وزیر اعلی نے جاں بحق مزدوروں کے اہل خانہ سے دلی تعزیت اور ہمدردی کا اظہار کیا۔انہوں نے زخمی مزدوروں کو بہترین طبی سہولتیں فراہم کرنے کی ہدایت دیتے ہوئے دہشت گردی کے ناسور کو جڑ سے اکھاڑ پھینکنے کا عزم ظاہر کیا۔ وزیر اعلی نے کہا کہ بے گناہ شہریوں کو نشانہ بنانے والے دہشت گرد کسی صورت معافی کے مستحق نہیں ہیں اور بلوچستان کے امن کو نقصان پہنچانے والے عناصر کے خلاف سخت کارروائی جاری رکھی جائے گی۔میر سرفراز بگٹی نے مزید کہا کہ امن دشمنوں کے عزائم کسی صورت کامیاب نہیں ہونے دیں گے اور حکومت بلوچستان عوام کے جان و مال کے تحفظ کے لیے ہر ممکن اقدامات کر رہی ہے۔
وزیر اعلیٰ بلوچستان كى تحصیل شاہرگ میں دھماکے کی شدید مذمت
6
