حیران کن انکشاف؛ مریم نفیس کے شوہر بشریٰ انصاری کے داماد نکلے

کراچی ( شو بز ڈیسک)اداکارہ مریم نفیس ان دنوں اپنے پہلے بچے کی پیدائش اور بے بی ہمپ کے فوٹوشوٹ کے حوالے سے خبروں میں ہیں۔ تاہم، اب ان کے شوہر امان احمد کے ماضی نے سوشل میڈیا پر ایک نئی بحث کو جنم دیا ہے۔یہ حیران کن انکشاف سامنے آیا ہے کہ امان احمد پہلے سے شادی شدہ تھے اور وہ پاکستانی ڈراما انڈسٹری کی سینئر اداکارہ بشری انصاری کے داماد بھی رہ چکے ہیں۔یہ انکشاف اس وقت ہوا جب مریم نفیس نے اپنے پہلے بچے کی پیدائش کے لیے امریکہ کے سفر کے دوران اپنے پاسپورٹ کی تصویر شیئر کی۔ سوشل میڈیا صارفین نے ان پر تنقید کرتے ہوئے کہا کہ مریم نفیس اپنے بچے کے لیے امریکی شہریت حاصل کرنا چاہتی ہیں۔ ایک صارف نے تبصرہ کرتے ہوئے بتایا کہ مریم نفیس کے شوہر امان احمد پہلے ہی امریکی شہری ہیں۔لیکن یہ بات صرف یہاں تک محدود نہیں رہی۔ سوشل میڈیا پر مزید انکشافات کیے گئے، جس کے مطابق امان احمد مشہور اداکارہ بشری انصاری کے سابق داماد اور ان کی بیٹی میرا انصاری کے سابق شوہر بھی رہ چکے ہیں۔اطلاعات کے مطابق امان احمد اور میرا انصاری کی شادی 2000 کی دہائی کے اوائل میں ہوئی تھی، اور اس رشتہ سے دونوں کے دو بچے بھی ہیں۔ تاہم، یہ شادی زیادہ عرصہ نہ چل سکی اور نومبر 2020 میں میرا انصاری نے نیویارک میں دوبارہ شادی کرلی۔بشری انصاری نے اپنی بیٹی میرا انصاری کی پہلی شادی کے فیصلے پر افسوس کا اظہار کیا تھا، تاہم انہوں نے یہ بھی بتایا کہ میرا انصاری کے دوسرے شوہر بہت معاون اور عزت دار ہیں۔یاد رہے کہ امان احمد نے میرا انصاری سے علیحدگی کے بعد سال 2022 میں اداکارہ مریم نفیس سے شادی کی تھی۔ اب یہ جوڑا اپنے پہلے بچے کا استقبال کرنے کے لیے تیار ہے۔