3
کراچی( اباسین خبر)ڈی جی کالجز نے کراچی میں سرکاری کالجز کے پرنسپلز کو سی سی ٹی وی کیمرے لگانے کی ہدایات جاری کر دیں۔ڈی جی کالجز کے مراسلے میں کہا گیا ہے کہ سیکیورٹی کے پیشِ نظر سرکاری کالجز میں سی سی ٹی وی کیمرے نصب کیے جائیں تاکہ ملازمین، طلبہ، اساتذہ اور سرکاری املاک کا تحفظ یقینی بنایا جا سکے۔مراسلے میں یہ بھی کہا گیا ہے کہ کالجز کے داخلی اور خارجی راستوں، ساتھ ہی دفاتر میں بھی سی سی ٹی وی کیمرے لگائے جائیں۔
