ملک بھر میں سردی برقرار، بالائی علاقوں میں برفباری، رابطہ سڑکیں بند

لاہور( اباسین خبر)ملک بھر میں سردی کی شدت برقرار ہے، خاص طور پر بالائی علاقوں میں برفباری کا سلسلہ جاری ہے۔ خیبرپختونخوا، گلگت بلتستان اور آزاد کشمیر کے مختلف علاقوں میں بارش اور برفباری ہوئی ہے۔ وادی نیلم کے علاقے گریس اور جاگراں میں سفید چادر بچھ گئی، جبکہ وادی لیپا اور پیر چناسی میں بھی برفباری ہوئی ہے، جس سے بالائی علاقوں کی رابطہ سڑکیں بند ہو گئیں اور مقامی افراد کو شدید مشکلات کا سامنا ہے۔خیبرپختونخوا کے مختلف علاقوں میں سب سے زیادہ بارش مالم جبہ میں 12 ملی میٹر ریکارڈ کی گئی، اور کالام میں نو انچ برفباری ہوئی۔ سردیوں کی شدت میں اضافہ ہوا، جس سے کئی مقامات پر درجہ حرارت منفی تک جا پہنچا۔ لہہ میں پارہ منفی 9، سکردو میں منفی 5، ہنزہ اور استور میں منفی 2 جبکہ کلام میں منفی ایک ریکارڈ کیا گیا۔اس کے علاوہ، کوئٹہ، زیارت، چمن، پشین، قلعہ عبداللہ اور چاغی میں بھی تیز ہواں کے ساتھ بارش اور برفباری کا امکان ظاہر کیا گیا ہے۔