20
کوئٹہ ( اباسین خبر)بلوچستان فوڈ اتھارٹی نے عوام سے اپیل کی ہے کہ وہ غیر معیاری یا مضر صحت اشیا کی خرید و فروخت یا دستیابی کے بارے میں فوری طور پر اطلاع دیں۔فوڈ اتھارٹی کا کہنا ہے کہ غیر معیاری اشیا کی موجودگی صحت کے لیے خطرہ بن سکتی ہے، اور اس سلسلے میں عوام کی مدد بہت ضروری ہے تاکہ ان اشیا کی روک تھام کی جا سکے۔ عوام سے درخواست کی گئی ہے کہ اگر وہ کسی دکاندار یا مارکیٹ میں غیر معیاری یا جعلی خوراک کی موجودگی دیکھیں تو اس کی اطلاع فوڈ اتھارٹی کے متعلقہ شعبے کو دیں۔فوڈ اتھارٹی نے واضح کیا کہ وہ عوام کی شکایات پر فوری طور پر کارروائی کرے گی اور اس سلسلے میں سخت اقدامات اٹھائے گی تاکہ لوگوں کو محفوظ اور معیاری خوراک فراہم کی جا سکے۔
