چار سال بعد ومبلڈن واپسی سیرینا ولیمز کے لیے مایوس کن، پہلے ہی راؤنڈ میں شکست

آسٹریلیا ( سپورٹس ڈیسک)آسٹریلیا کی مایا جوائنٹ نے تین سیٹوں کے سخت مقابلے کے بعد آٹھ بار کی ومبلڈن چیمپئن کو ایونٹ سے باہر کردیا، دیگر ٹاپ سیڈ کھلاڑیوں نے اگلے مرحلے میں جگہ بنالی۔خبر:لندن: آٹھ بار کی ومبلڈن چیمپئن امریکی ٹینس اسٹار سیرینا ولیمز چار برس بعد ایونٹ میں یادگار واپسی نہ کر سکیں اور پہلے ہی راؤنڈ میں شکست کے بعد ٹورنامنٹ سے باہر ہوگئیں۔آل انگلینڈ کلب میں جاری سال کے تیسرے گرینڈ سلم ٹورنامنٹ میں 44 سالہ سیرینا ولیمز نے آسٹریلیا کی مایا جوائنٹ کے خلاف بھرپور مقابلہ کیا، تاہم تین سیٹوں پر مشتمل میچ میں 2-1 سے شکست ان کا مقدر بنی۔مایا جوائنٹ نے پہلا سیٹ 6-3 سے اپنے نام کیا، جبکہ سیرینا نے دوسرا سیٹ ٹائی بریک پر 7-6 سے جیت کر مقابلہ برابر کردیا۔ تاہم فیصلہ کن تیسرے سیٹ میں آسٹریلوی کھلاڑی نے 6-3 سے کامیابی حاصل کرتے ہوئے اگلے مرحلے کے لیے کوالیفائی کرلیا۔خواتین کے مقابلوں میں آٹھویں سیڈ ایلینا سویتولینا بھی پہلے راؤنڈ میں شکست کھا گئیں، انہیں سونے گور نے 7-5 اور 6-2 سے ہرایا۔دوسری جانب دوسری سیڈ ایلینا ریباکینا نے سخت مقابلے کے بعد بوائسن کو 6-4، 1-6 اور 6-3 سے شکست دے کر اگلے مرحلے میں جگہ بنائی، جبکہ تیسری سیڈ ایگا شیانٹیک نے ٹیلر ٹاؤن سینڈ کو 6-1، 2-6 اور 6-3 سے ہرا کر فتح سمیٹی۔مردوں کے سنگلز مقابلوں میں دوسری سیڈ جرمنی کے الیگزینڈر زیویریف نے چار سیٹوں کے دلچسپ مقابلے کے بعد بیلجیئم کے الیگزینڈر بلاکس کو شکست دی۔ادھر سوئٹزرلینڈ کے تجربہ کار کھلاڑی اسٹین واورنکا ایونٹ سے باہر ہوگئے، انہیں اٹلی کے میٹیو بیریٹینی نے 7-6، 6-7، 6-7 اور 6-7 سے شکست دے دی۔