پاکستانی ٹیم کا بیکہنم میں پریکٹس سیشن، ٹیسٹ سیریز کی تیاریاں

لندن( سپورٹس ڈیسک) انگلینڈ کے دورے پر موجود پاکستان کرکٹ ٹیم دو روز آرام کے بعد آج بیکہنم کے کاؤنٹی گراؤنڈ میں تربیتی سرگرمیوں کا آغاز کرے گی۔پاکستانی ٹیم مقامی وقت کے مطابق صبح ساڑھے 9 بجے پریکٹس کرے گی۔ پاکستان اور سلیکٹ الیون کے درمیان 4 روزہ وارم اپ میچ 12 سے 15 اگست تک کھیلا جائے گا، جبکہ انگلینڈ کے خلاف 3 ٹیسٹ میچز کی سیریز کا پہلا مقابلہ 19 اگست سے ہیڈنگلے، لیڈز میں ہوگا۔انگلی کی انجری سے صحتیاب ہونے والے شان مسعود اور ویسٹ انڈیز سیریز میں فٹنس مسائل کے باعث باہر رہنے والے سعود شکیل کی ہیڈنگلے ٹیسٹ سے قبل ٹیم میں واپسی متوقع ہے۔دوسری جانب انگلش ٹیم بھی پاکستانی اسکواڈ کی تیاریوں پر نظر رکھے ہوئے ہے۔ میزبان ٹیم اس وقت تبدیلی کے مرحلے سے گزر رہی ہے اور جو روٹ نے دوسری مرتبہ ٹیسٹ ٹیم کی قیادت سنبھال لی ہے۔نئے ہیڈ کوچ اسٹیفن فلیمنگ پاکستان کے خلاف سیریز کے بعد اپنی ذمہ داریاں سنبھالیں گے، جبکہ اس دوران مارکس ٹریسکوتھک عبوری ہیڈ کوچ کی حیثیت سے ٹیم کی رہنمائی کریں گے۔