آیت اللہ علی خامنہ ای کی میت ہیلی کاپٹر کے ذریعے قم منتقل

قم( مانیٹرنگ ڈیسک) ایران کے سرکاری ذرائع کے مطابق آیت اللہ علی خامنہ ای کے جسدِ خاکی کو ہیلی کاپٹر کے ذریعے قم منتقل کیا گیا، جہاں ان کی ایک اور نمازِ جنازہ ادا کی گئی۔اس سے قبل تہران میں بھی نمازِ جنازہ ادا کی گئی تھی۔ ایرانی سرکاری میڈیا نے دعویٰ کیا کہ جنازے میں ایک کروڑ سے زائد افراد نے شرکت کی، جبکہ بعض ایرانی ذرائع نے شرکا کی تعداد ایک کروڑ 20 لاکھ سے ڈیڑھ کروڑ کے درمیان بتائی ہے۔بین الاقوامی خبر رساں ادارے رائٹرز نے جنازے کے اجتماع سے متعلق سیٹلائٹ تصاویر شائع کیں، تاہم شرکا کی تعداد کے حوالے سے مختلف ذرائع کے دعووں کی آزادانہ تصدیق نہیں ہو سکی۔رائٹرز کے مطابق بعض تجزیہ کاروں کا کہنا ہے کہ اس بڑے عوامی اجتماع کو جنگ کے بعد قومی یکجہتی اور مزاحمت کی علامت کے طور پر دیکھا جا رہا ہے۔ ان کے مطابق اس اجتماع کے ذریعے ایران نے امریکہ اور اسرائیل کو سیاسی پیغام دینے کی کوشش کی ہے کہ ملک داخلی طور پر متحد ہے۔بعض ماہرین کی رائے ہے کہ یہ صورتحال مستقبل میں ایران کی علاقائی اور سفارتی حکمت عملی، خصوصاً آبنائے ہرمز اور جوہری پروگرام سے متعلق مذاکرات میں اس کے مؤقف کو تقویت دے سکتی ہے۔ تاہم یہ تجزیے متعلقہ ماہرین کی آراء ہیں اور ان کی آزادانہ تصدیق ممکن نہیں۔