انگلش میڈیا سے بابر اعظم کو دور رکھا جائے، راشد لطیف کا پی سی بی کو مشورہ

لاہور( سپورٹس ڈیسک) پاکستان کرکٹ ٹیم کے سابق کپتان راشد لطیف نے انگلینڈ کے دورے کے دوران قومی ٹیم کے کپتان بابر اعظم کو انگلش میڈیا سے کم سے کم رابطے میں رکھنے کا مشورہ دیا ہے۔نجی ٹی وی سے گفتگو کرتے ہوئے راشد لطیف نے کہا کہ پاکستان کرکٹ بورڈ کی انتظامیہ کو ایسی حکمت عملی بنانی چاہیے جس کے تحت بابر اعظم کا انگلش میڈیا سے سامنا محدود رکھا جائے۔سابق وکٹ کیپر کے مطابق انگلینڈ کا دورہ ہمیشہ چیلنجنگ ہوتا ہے اور وہاں کا میڈیا بعض اوقات مہمان ٹیم کو غیر ضروری معاملات میں الجھانے کی کوشش کرتا ہے، اس لیے بابر اعظم کے حوالے سے محتاط رویہ اختیار کرنا بہتر ہوگا۔راشد لطیف نے کہا کہ بابر اعظم تجربہ کار کھلاڑی ہیں، تاہم موجودہ دورے میں انہیں میڈیا سے دور رکھنا قومی ٹیم کے لیے بہتر ہوسکتا ہے۔انہوں نے تجویز دی کہ سابق کپتان شان مسعود کو زیادہ تر میڈیا سرگرمیوں میں بھیجا جائے، کیونکہ وہ انگلینڈ میں کھیل چکے ہیں اور وہاں کے ذرائع ابلاغ سے گفتگو کا تجربہ رکھتے ہیں۔ ان کے مطابق امام الحق اور محمد عباس بھی میڈیا سے بات چیت کے لیے موزوں انتخاب ہیں۔واضح رہے کہ پاکستان کرکٹ ٹیم تین ٹیسٹ میچوں کی سیریز کے لیے انگلینڈ پہنچ چکی ہے۔ سیریز کا پہلا ٹیسٹ 19 اگست سے ہیڈنگلے، لیڈز میں کھیلا جائے گا۔