امام الحق نے 5 ہزار انٹرنیشنل رنز کا سنگ میل عبور کرلیا

ہیڈنگلے( سپورٹس ڈیسک)ہیڈنگلے ٹیسٹ میں انگلینڈ کے خلاف پاکستان کے اوپنر امام الحق نے شاندار کارنامہ انجام دیتے ہوئے 5 ہزار انٹرنیشنل رنز مکمل کرلیے۔30 سالہ امام الحق کو اس سنگ میل تک پہنچنے کے لیے صرف 4 رنز درکار تھے، جو انہوں نے انگلش فاسٹ بولر اولی رابنسن کو نویں اوور میں چوکا لگا کر مکمل کیے۔امام الحق یہ اعزاز حاصل کرنے والے پاکستان کے 30ویں بلے باز بن گئے ہیں۔ اس فہرست میں انضمام الحق، یونس خان، جاوید میانداد اور عمران خان جیسے سابق عظیم کھلاڑی بھی شامل ہیں۔انہوں نے اب تک 107 انٹرنیشنل میچز میں 5 ہزار 38 رنز بنائے ہیں، جن میں 12 سنچریاں اور 31 نصف سنچریاں شامل ہیں، جبکہ ان کی مجموعی بیٹنگ اوسط 41.29 رہی ہے۔لیڈز ٹیسٹ کی پہلی اننگز میں امام الحق نے 42 رنز بنائے اور جوش ٹنگ کی گیند پر آؤٹ ہوئے۔ انہوں نے عبداللہ شفیق کے ساتھ 91 رنز کی شراکت قائم کرکے پاکستان کو ابتدائی نقصان سے سنبھالا، تاہم بعد میں پوری ٹیم 171 رنز پر آؤٹ ہوگئی۔انگلینڈ کی جانب سے جوش ٹنگ اور اولی رابنسن نے پانچ، پانچ وکٹیں حاصل کیں۔