آیت اللہ علی خامنہ ای کا نماز جنازا ادا

تہران( مانیٹرنگ ڈیسک) مختلف ذرائع ابلاغ کی رپورٹس کے مطابق آیت اللہ علی خامنہ ای اور ان کے اہلِ خانہ کی نمازِ جنازہ کے بعد تہران میں جنازے کا جلوس نکالا جا رہا ہے، جبکہ دارالحکومت میں سکیورٹی کے غیر معمولی انتظامات کیے گئے ہیں۔رپورٹس کے مطابق ایرانی حکام نے جلوس کے لیے متعدد اہم شاہراہوں اور چوراہوں پر خصوصی انتظامات کیے ہیں۔ بتایا گیا ہے کہ شرکا کی بڑی تعداد کے پیشِ نظر گرمی سے بچاؤ اور دیگر سہولتوں کا بھی اہتمام کیا گیا ہے۔اطلاعات میں کہا گیا ہے کہ جلوس کے اختتام کے بعد میت کو قم منتقل کیا جائے گا، جس کے بعد عراق کے مقدس شہروں نجف اور کربلا لے جانے کا بھی پروگرام بتایا جا رہا ہے تاکہ عقیدت مند آخری دیدار کر سکیں۔ بعد ازاں تدفین مشہد میں حضرت امام علی رضاؑ کے مزار کے احاطے میں کیے جانے کا دعویٰ کیا گیا ہے۔رپورٹس کے مطابق نمازِ جنازہ میں ایران کی سیاسی، عسکری اور مذہبی شخصیات کے علاوہ بڑی تعداد میں عوام نے بھی شرکت کی۔ ذرائع کے مطابق مختلف شہروں سے آنے والے سوگواروں کی سہولت کے لیے خصوصی انتظامات کیے گئے ہیں۔بعض بین الاقوامی ذرائع ابلاغ نے دعویٰ کیا ہے کہ جنازے کے بعد شرکا نے مختلف نعرے لگائے، جبکہ ایرانی حکام کی جانب سے ملک بھر میں سرکاری سوگ اور لاکھوں زائرین کی آمد کے پیشِ نظر انتظامات کیے جانے کی اطلاعات بھی سامنے آئی ہیں۔تاہم ان تمام تفصیلات کی آزاد ذرائع سے مکمل تصدیق تاحال سامنے نہیں آئی، اس لیے ان اطلاعات کو سرکاری اور میڈیا رپورٹس کے تناظر میں دیکھا جانا چاہیے۔