لیجنڈز کھلاڑیوں کا بھی اولمپکس میں قوم کیلئے میڈل کی واحد امید ارشد ندیم کی کامیابی کیلئے نیک خواہشات کا اظہار

پیرس ( سپورٹس ڈیسک)کرکٹ، ہاکی ودیگر کھیلوں کے لیجنڈز کھلاڑیوں نے بھی اولمپکس میں قوم کیلئے میڈل کی واحد امید ارشد ندیم کی کامیابی کیلئے نیک خواہشات کا اظہار کیا ہے اور کہا ہے کہ ان کی جیت کی خواہش سے ہی قوم پرجوش ہوگئی ہے اورقوم نے دعائیں شروع کردیں۔ شاہد آفریدی، اعصام الحق، مشتاق احمد، طاہر زمان، پلوشہ بشیر سمیت کئی ستاروں نے ارشد ندیم کیلیے نیک تمناؤں کا اظہار کیا ہے۔ہر دل کی آواز، ہر لب پر دعائیں اور نیک تمنائیں ہیں کہ ارشد ندیم پیرس میں سبز ہلالی پرچم بلند کریں۔ملک کے اسٹارز اور پوری قوم دعاگو ہے کہ ارشد ندیم اولمپکس کے جیولن تھرو مقابلے میں طلائی تمغہ جیتیں۔