خیبرپختونخوا میں گیسٹرو کے کیسز میں خو فناک اضافہ، محکمہ صحت کی رپورٹ منظرعام پر آ گئی

پشاور( ہیلتھ ڈیسک)خیبرپختونخوا میں گیسٹرو کے کیسز میں تیزی سے اضافہ ہوا ہے۔ محکمہ صحت کی رپورٹ کے مطابق 24 فروری سے 2 مارچ تک 19 ہزار سے زائد گیسٹرو کے کیسز رپورٹ ہوئے ہیں۔سب سے زیادہ گیسٹرو کے کیسز پشاور میں رپورٹ ہوئے جہاں 2 ہزار 591 کیسز سامنے آئے، جبکہ چارسدہ میں 1913، سوات میں 1369 اور ڈیرہ اسماعیل خان میں 1202 کیسز رپورٹ ہوئے۔ نوشہرہ میں 1086، دیر لوئر میں 1012 کیسز کی تصدیق ہوئی۔محکمہ صحت کے مطابق سانس اور سینے کی بیماریوں کے 8 ہزار 367 کیسز بھی رپورٹ ہوئے ہیں، جب کہ مچھروں اور مکھیوں سے پھیلنے والی بیماریوں سے 3 ہزار 845 افراد متاثر ہوئے ہیں۔