دہشتگردی کاالزام،تحریک لبیک پاکستان سے وا بستہ 10پاکستانی سلونا سے گر فتار

بارسلونا( مانیٹر نگ ڈیسک)سپین کے شہر بارسلونا میں 10 پاکستانیوں کو دہشت گردی کے الزامات میں حراست میں لیا گیا۔عالمی میڈیا کی رپورٹ کے مطابق، ملزمان ایک منظم مجرمانہ تنظیم سے تعلق رکھتے ہیں، جو میسجنگ گروپوں کے ذریعے پرتشدد احکامات جاری کرتی تھی۔ یہ تنظیم مبینہ طور پر تحریک لبیک پاکستان (ٹی ایل پی) سے منسلک بتائی جاتی ہے۔ اسی آپریشن کے دوران ایک شخص کو اٹلی سے بھی گرفتار کیا گیا۔رپورٹ کے مطابق، یہ کارروائی 3 مارچ کی رات کی گئی، اور سوشل میڈیا پر ان افراد کی پوسٹوں میں دہشت گردوں کی تعریف کی جاتی تھی۔ گرفتار افراد کو 6 مارچ کو عدالت میں پیش کیا گیا۔گرفتار ملزمان پر دہشت گردی کی مدد، دہشت گردی کے پرچار، مالی معاونت اور دہشت گردوں کے لئے بھرتی کے الزامات عائد کئے گئے ہیں۔ پولیس نے یہ بھی وضاحت کی کہ تاحال اس نیٹ ورک کا کسی بین الاقوامی شدت پسند تنظیم سے کوئی براہ راست تعلق ثابت نہیں ہوا، تاہم تحقیقات جاری ہیں۔