گورنر فیصل کریم کنڈی کی ترجیحات صرف اپنے آقاؤں کو خوش کرنا ہے: بیرسٹر سیف

پشاور( اباسین خبر)مشیرِ اطلاعات خیبر پختون خوا بیرسٹر محمد علی سیف نے گورنر فیصل کریم کنڈی کے خط پر ردعمل دیتے ہوئے کہا کہ گورنر کی ترجیحات صرف اپنے آقاں کو خوش کرنا ہیں، اور انہیں صوبے کے مسائل سے کوئی غرض نہیں۔ بیرسٹر سیف نے مزید کہا کہ گورنر فیصل کریم کنڈی کو وفاقی حکومت کو خط لکھتے ہوئے صوبے کے حقوق کے بارے میں بھی بات کرنی چاہیے۔انہوں نے گورنر کو مشورہ دیا کہ وہ این ایف سی ایوارڈ میں صوبے کا مکمل حصہ دینے کی درخواست کریں اور خط میں صوبے کے بقایاجات کی ادائیگی کے ساتھ سوتیلی ماں جیسے سلوک کے خاتمے کی استدعا کریں۔بیرسٹر سیف نے گورنر کے کردار کو تنقید کا نشانہ بناتے ہوئے کہا کہ گورنر کا کوئی خاص کام نہیں ہے اور وہ صرف خط ہی لکھ سکتے ہیں۔ پی ٹی آئی کے رہنما نے مزید کہا کہ گورنر ہاس کا کردار آج کل ایک ڈاک خانے جیسا ہو چکا ہے جہاں ایک مسترد شدہ ڈاکیا بیٹھا ہوا ہے۔انہوں نے یہ بھی کہا کہ وزیرِ اعلی علی امین گنڈاپور کی طرح گورنر کو بھی صوبے کی فلاح و بہبود کے لیے کچھ کرنا چاہیے۔