راولپنڈی( اباسین خبر)آپریشن سوئفٹ ریٹارٹ کے 6 سال مکمل ہونے پر آئی ایس پی آر کی جانب سے نغمہ دشمناسن ریلیز کردیا گیا۔اس نغمے میں وطن کے جانباز سپوتوں کی جانب سے ملکی دفاع کے لیے عہد و پیمان کا اظہار کیا گیا ہے، اور یہ نغمہ ملک خداداد کے ہر ناپاک دشمن کے لیے ایک للکار ہے۔ نغمے کی شاعری احمد عظیم کی ہے جبکہ کامران خان نے اسے گایا اور کمپوز کیا ہے۔یاد رہے کہ 27 فروری 2019 کو ملکی تاریخ کا ایک اہم واقعہ پیش آیا، جو مسلح افواج کی پیشہ ورانہ مہارت اور پاکستانی عوام کے عزم کا مظہر تھا۔ پاک فضائیہ نے 27 فروری کو سرحدی حدود کی خلاف ورزی کو ناکام بناتے ہوئے 2 بھارتی لڑاکا طیارے مار گرائے تھے۔اس آپریشن کے دوران ایک بھارتی پائلٹ، ابھی نندن، کو بھی گرفتار کیا گیا تھا۔ 27 فروری اس عزم کی تجدید ہے کہ ملکی خودمختاری کے خلاف کسی بھی جارحیت کا منہ توڑ جواب دیا جائے گا۔
آپریشن سوئفٹ ریٹارٹ کے 6 سال مکمل، آئی ایس پی آر کیجانب سے نیا نغمہ ریلیز
2
