پشاور میں بی آر ٹی منصوبے میں توڑ پھوڑ کا سلسلہ تھم نہ سکا

پشاور(اباسین خبر)پشاور میں بی آر ٹی منصوبے میں توڑ پھوڑ کا سلسلہ تھم نہ سکا، اور شہر میں رش کا سبب بننے والے متعدد سٹیشنز کو ایک بار پھر توڑنے کا فیصلہ کیا گیا ہے۔پشاور ڈویلپمنٹ اتھارٹی (پی ڈی اے) حکام نے بتایا کہ شہر کے دس مختلف سٹیشنز میں تبدیلیاں لائی جارہی ہیں۔ اس منصوبے میں تبدیلیوں پر 70 ملین روپے کی لاگت آئے گی۔پی ڈی اے کے مطابق یونیورسٹی روڈ پر سٹیشن سے باہر آنے والی ریمپ اور سیڑھیوں کو توڑا جا رہا ہے تاکہ شہر میں ٹریفک کی روانی برقرار رکھی جا سکے۔ یہ تبدیلیاں شہر میں ٹریفک کے مسائل کو حل کرنے اور بی آر ٹی منصوبے کی افادیت کو بڑھانے کے لیے کی جا رہی ہیں۔