2
اسلام آباد( اباسین خبر)ڈسٹرکٹ اینڈ سیشن کورٹس اسلام آباد نے آڈیو لیک کیس میں وزیر اعلی خیبر پختونخوا علی امین گنڈا پور کے ناقابل ضمانت وارنٹ گرفتاری برقرار رکھے ہیں۔ایڈیشنل سیشن جج عبد الغفور کاکڑ کی عدالت میں علی امین گنڈاپور کے خلاف آڈیو لیک کیس کی سماعت ہوئی۔ وزیر اعلی خیبر پختونخوا علی امین گنڈاپور عدالت میں پیش نہیں ہوئے۔ ان کے وکیل راجہ ظہور الحسن ایڈوکیٹ عدالت میں پیش ہوئے جبکہ شریک ملزم اسد فاروق بھی عدالت میں پیش ہوکر حاضری لگوائی۔عدالت نے علی امین گنڈاپور کے ناقابل ضمانت وارنٹ گرفتاری برقرار رکھتے ہوئے کیس کی سماعت ملتوی کر دی۔ کیس کی آئندہ سماعت 6 مارچ کو ہوگی۔ علی امین گنڈاپور کے خلاف تھانہ گولڑہ میں مقدمہ درج ہے۔
