1
لاہور( سپورٹس ڈیسک)سکیٹ بورڈنگ کھیل کو پنجاب کی خواتین پولیس کیڈٹس کے لیے متعارف کرانے کا منصوبہ تیار کر لیا گیا۔پولیس ٹریننگ سینٹر چوہنگ میں خواتین کیڈٹس کے لیے کھیل کا عملی مظاہرہ کیا گیا، جس میں خواتین کیڈٹس نے بھرپور دلچسپی دکھائی۔ پولیس ٹریننگ سینٹر میں زیر تربیت کیڈٹس کی بڑی تعداد نے اس سرگرمی میں حصہ لیا۔پولیس حکام کے مطابق کھیل میں دلچسپی ظاہر کرنے والی کیڈٹس کو تربیت فراہم کی جائے گی، اور سکیٹ بورڈنگ کے ماہرین کی خدمات بھی حاصل کر لی گئی ہیں۔
