ایم ڈی انٹرنیشنل فنانس کارپوریشن کا دورہ پاکستان، وزیر خزانہ سے ملاقات

اسلام آباد( کامرس ڈیسک)انٹرنیشنل فنانس کارپوریشن (آئی ایف سی) کے منیجنگ ڈائریکٹر مکھتر دیوپ کا پاکستان کا دورہ، جس دوران انہوں نے وفاقی وزیر خزانہ محمد اورنگزیب سے فنانس ڈویژن میں ملاقات کی۔وفد میں آئی ایف سی کے علاقائی نائب صدر، کنٹری ڈائریکٹر اور دیگر اعلی عہدیداران شامل تھے۔ وزیر خزانہ نے آئی ایف سی کے وفد کو خراج تحسین پیش کیا، اور آئی ایف سی نے پاکستان کی اقتصادی ترقی کے لیے مسلسل تعاون جاری رکھنے پر اتفاق کیا۔وزیر خزانہ نے پاکستان کے معاشی استحکام اور حالیہ اصلاحات کے بارے میں آگاہ کیا، اور بتایا کہ آئی ایم ایف کی سربراہ نے پاکستان کی معاشی پیش رفت کو سراہا۔ وزارت خزانہ نے وفد کو زرعی انکم ٹیکس، پنشن اصلاحات اور حکومتی اداروں کی تشکیل نو کے حوالے سے بریفنگ دی۔آئی ایف سی نے مختلف شعبوں میں پاکستان کے ساتھ تعاون جاری رکھنے کا عزم ظاہر کیا۔ وزیر خزانہ محمد اورنگزیب نے کہا کہ حکومت نے گوداموں کو صنعت کا درجہ دے دیا ہے اور پبلک پرائیویٹ پارٹنرشپ کو فروغ دینے کے عزم کا اظہار کیا، ساتھ ہی نجی شعبے کو سرمایہ کاری اور برآمدات میں کلیدی کردار ادا کرنے کی اہمیت دی۔