پاکستان سٹاک ایکسچینج میں تیزی، انٹربینک میں ڈالر سستا

کراچی( کامرس ڈیسک)پاکستان سٹاک ایکسچینج میں مثبت رجحان دیکھنے میں آیا۔ کاروباری ہفتے کے پانچویں اور آخری روز سٹاک مارکیٹ میں تیزی آئی، اور 700 سے زائد پوائنٹس کے اضافے کے ساتھ ہنڈرڈ انڈیکس ایک لاکھ 13 ہزار 482 پوائنٹس کی سطح کو چھو گیا۔پاکستان سٹاک ایکسچینج کا پہلا ٹریڈنگ سیشن مثبت زون میں بند ہوا، جس میں 100 انڈیکس 577 پوائنٹس اضافے کے ساتھ ایک لاکھ 13 ہزار 141 پوائنٹس پر پہنچا۔ پہلے ٹریڈنگ سیشن کے اختتام پر 20 کروڑ مالیت کے شیئرز کا کاروبار ہوا، جس کا حجم 10 ارب روپے تھا۔واضح رہے کہ گزشتہ کاروباری دن کے اختتام پر انڈیکس 360 پوائنٹس کی کمی کے ساتھ ایک لاکھ 12 ہزار 564 پوائنٹس پر بند ہوا تھا۔دوسری جانب، انٹر بینک میں امریکی کرنسی مزید 11 پیسے سستی ہوئی، جس کے بعد ڈالر 279.26 روپے سے کم ہو کر 279.15 روپے پر آگیا۔